කොවිඩ් රෝගීන් සඳහා ම වෙන්කර තිබෙන හෝමාගම මූලික රෝහලේ වෛද්යවරුන් 8 දෙනෙකු ඇතුළු 26 දෙනෙකුට කොරෝනා වෛරසය ආසාදනය වී ඇතැයි එම රෝහලේ වෛද්ය අධිකාරී වෛද්ය ජනිත හෙට්ටිආරච්චි මහතා පවසයි.
වෛද්ය අධිකාරිවරයා සඳහන් කළේ, ආසාදිතයින් අතර හෙද හෙදියන් 9 දෙනෙකු, සෞඛ්ය කාර්ය සහයකයන් 6 දෙනෙකු මෙන් ම ලිපිකරුවන් දෙදෙනෙකු හා පවුල් සෞඛ්ය සේවා නිලධාරිනියක වන බව ය.
එම පිරිස අතර දැඩි සත්කාර ඒකකයේ සේවය කරන වෛද්යවරුන් සිව්දෙනෙකු මෙන් ම සුළු සේවකයෙකු ද වන බව වෛද්ය අධිකාරිවරයා පැවසීය.
වෛද්ය අධිකාරිවරයා ප්රකාශ කළේ, වෛරසය ආසාදනය වුණු සුළු සේවකයන් දෙදෙනෙකු පමණක් හෝමාගම මූලික රෝහලේ ප්රතිකාර ලබන බවත් වෛද්යවරුන්, හෙදියන් සහ අනෙකුත් අය නිවෙස්වල ප්රතිකාර ලබන බවත් ය.
