විදේශයන්හි සිට දිවයිනට ගෙන්වන ශ්‍රමිකයින්ගේ නිවෙස් නිරෝධායන ක්‍රියාවලියේ වෙනසක් සිදුකිරීමට නියමිත බව යුද හමුදාපති ලුතිනන් ජෙනරාල් ශවේන්ද්ර සිල්වා මහතා පැවසීය.සෞඛ්‍ය සේවා අධ්‍යක්ෂ ජනරාල්වරයා මේ සම්බන්ධයෙන් වන නිර්දේශ ඉදිරිපත් කරනු ලබන බව යුද්ධ හමුදාපතිවරයා පැවසීය.
මේ පිළිබඳ වැඩිදුරටත් අදහස් දැක් වූ යුද්ධ හමුදාධිපතිවරයා මෙසේද කීය.
“දැනට විදෙස් රටවලින් පිරිස් ලංකාවට ආවට පස්සේ, රජයේ නිරෝධායන මධ්‍යස්ථානයක හෝ හෝටලයක එසේ නොමැති නම් පෞද්ගලික ස්ථානයක නිරෝධයනය වන ක්‍රමවේදයක් තමයි ක්‍රියාත්මක වෙන්නේ. ඔවුන් දින 14ක් නිරෝධායනය වුණාට පස්සේ පීසීආර් පරීක්ෂණයක් කරලා, කොවිඩ් ආසාදිතයෙක්‌ ලෙස හඳුනාගත හොත් ඔහු රෝහලකට ප්‍රතිකාර සඳහාත් අසාදිතයෙක් නොවේ නම් ඔවුන් නිවෙස් බලා පිටත්කර යැවීමටත් කටයුතු කරනවා.
ඉන් පසුව ඔවුන් තම නිවෙස්වලත් තව දින 14ක් නිරෝධායනය කරන ක්‍රමවේදයක් දැනට අද දක්වා ලංකාව තුළ පැවතුණා. සෞඛ්‍ය සේවා අධ්‍යක්ෂ ජනරාල්තුමා විසින් මෙය ලිහිල් කරලා නිර්දේශ ඉදිරිපත් කරයි. අපි මේ තුළින් බලාපොරොත්තු වෙන්නේ මෙසේ ලංකාවට රැගෙන එන ශ්‍රී ලාංකිකයින් දින 14ක නිරෝධායනය කිරීමෙන් අනතුරුව කරන ලබන පීසීආර් පරීක්ෂණයෙන් නෙගටිව් නම් ඔවුන් තව දින 14ක් නිවෙස්වල නිරෝධායනය නොකර සම්පූර්ණයෙන් නිදහස් කරන්න අපි සාකච්ඡා කරා. එය බොහෝ දුරට අද දිනයේ දී නිකුත් වීමට නියමිත නිවේදනයත් සමග ඒ තත්ත්වය පහව යයි. ඒ අනුව ජනතාවට පහසුවක් ඇති වෙයි. “ යැයි යුද්ධ හමුදාධිපති ලුතිතන් ජෙනරල් ශවේන්ද්ර සිල්වා මහතා පැවසීය.
දිලංක ගුණතිලක
කැපිටල් මහාරාජා සභාපති ශෂී රාජ මහේන්ද්‍රන් හා කැපිටල් මහාරාජා සමූහ අධ්‍යක්ෂ ෂෙවාන් ඩැනියෙල් සමඟ ජනපති…
ශ්‍රී ලංකාවේ ජ්‍යෙෂ්ඨ වාමාංශික දේශපාලන ක්‍රියාකාරිකයෙකු සහ ජාතික ජන බලවේගයේ (NPP) විධායක සභික අභාවප්‍රාප්ත ජ්‍යෙෂ්ඨ…
බස්නාහිර, සබරගමුව, මධ්‍යම, ඌව සහ දකුණු පළාත්වල සහ කුරුණෑගල, අම්පාර සහ මඩකළපුව දිස්ත්‍රික්කවල පස්වරු 1.00…
ශ්‍රී ලංකාව සහ තුර්කිය අතර පවතින දිගුකාලීන මිත්‍රත්වය තවදුරටත් ශක්තිමත් කරගැනීම සහ දෙරට අතර ආර්ථික…
අනුර කුමාර දිසානායක රජය බලයට පත් වූයේ මෙරට දේශපාලන ඉතිහාසයේ ක්‍රියාත්මක නොවූ ශක්තිමත් රාජ්‍ය පාලනයක්…
මීට වසර දහයකට පෙර ජාතික විද්වත් සංවිධානය ආරම්භ කළේ එවකට පැවැති ආර්ථික, සමාජීය සහ දේශපාලනික…