පුරාතන, නූතන සහ නවීන අවි ආයුධ ගබඩා කොට ජනතාවට දැක බලා ගැනීමේ අවස්ථාව උදා කරලීම සඳහා අවි ආයුධ කෞතුකාගාරයක් ඉඳිකිරීම කෙරෙහි රජයේ අවධානය යොමුව තිබේ. බුද්ධ ශාසන, ආගමික හා සංස්කෘතික කටයුතු අමාත්‍යාංශය යටතේ ස්ථාපිත කෙරෙන භාරයක් යටතේ මේ අවි ආයුධ කෞතුකාගාරය පිහිටුවීම සඳහා අග්‍රාමාත්‍ය මහින්ද රාජපක්ෂ මහතා අමාත්‍ය මණ්ඩලයට යෝජනාවක් ඉදිරිපත් කර ඇත. පුරාවිද්‍යා කැණීම් මගින් සොයා ගන්නා ආයුධ සංරක්ෂණයට විධිමත් වැඩපිළිවෙළක් නොමැතිකම හේතුවෙන් අතීතයේ සිට ශ්‍රී ලාංකිකයන් භාවිත කරන ලද ඉපැරැණි අවි ආයුධ අභාවයට ගොස් ඇති බව එම යෝජනාවේ සඳහන්ව තිබේ.
පුරාවිද්‍යාත්මක කැණීම්වලින් හමුවූ ශිලා ආයුධ ඇතුළු පුරාතන අවි ආයුධ, පාරම්පරිකව පැවැත එන දැනට අභාවයට යමින් තිබෙන අවි ආයුධ සහ නවීන ආයුධ මේ කෞතුකාගාරයේ තැන්පත් කිරීම තුළින් අනාගත පරම්පරාවට ඒවා දැක ගැනීමේ අවස්ථාව සැලසිය හැකි බවත් එමඟින් පෙන්වාදී තිබේ.
එසේම විදේශ රාජ්‍ය නායකයන්, හමුදා ප්‍රධානීන් සහ විදෙස් දූත පිරිස් රාජ්‍ය තාන්ත්‍රික හමුවීම්වලදී සමරු තිළිණ ලෙස පිරිනමන අවි ආයුධ ආරක්ෂාකාරී ලෙස තැන්පත් කිරීමට සුදුසු ස්ථානයක් ලෙසද මේ අවි ආයුධ කෞතුකාගාරය යොදා ගත හැකි බවත් එහි දැක්වේ.
ජනතාව සතුව ඇති පෞරාණික අවි ආයුධ මේ කෞතුකාගාරයට ලබාදීමේ විධිමත් වැඩපිළිවෙළක් සකස් කිරීමේ අවශ්‍යතාවද මේ යෝජනාව මගින් ඉදිරිපත් කර ඇත.
dinamina
Prime Lands has been recognised at the Australia Sri Lanka Business Council (ASLBC) Honor Roll…
ශ්‍රී ලංකාවේ දේපළ වෙළෙඳපොළ ජාත්‍යන්තර ආයෝජකයන් අතරට ගෙනයමින්, මෙරටට විදේශ සෘජු ආයෝජන (FDI) ආකර්ෂණය කර…
2026 වසරේ සැප්තැම්බර් 30වැනිදා වන විට දේශීය ආදායම් දෙපාර්තමේන්තුව සිය ආදායම් රැස්කිරීම රුපියල් ට්‍රිලියන 2…
ජනාධිපති අනුර කුමාර දිසානායක මහතාගේ ප්‍රධානත්වයෙන්, බලශක්ති අමාත්‍ය අනුර කරුණාතිලක මහතා සහ බලශක්ති නියෝජ්‍ය අමාත්‍ය…
මේ වන විට භාරතීය ජනතා පක්ෂයේ ආරාධනයකින් ඉන්දියාවේ සංචාරයක යෙදෙන ජනතා විමුක්ති පෙරමුණේ ප්‍රධාන ලේකම්…
Facebook ඇතුළු සමාජ මාධ්‍ය හරහා දරුවන්ගේ ඡායාරූප හා වීඩියෝ පළ කිරීමේදී දැඩි සැලකිල්ලක් දක්වන ලෙස…