මෙරට ඉතිහාසයේ ප්රථම වරට ගුවන් යානා පැහැර ගැනීම් හෝ ප්රාණ ඇපකරුවන් රඳවාගැනීම් වැනි අවස්ථා කළමනාකරණයේ කොටසක් ලෙස ජාත්යන්තර ගුවන් සේවා සම්මුතීන් වලට අනුකූලව ප්රාණ ඇපකරුවන් මුදාගැනීමේ මැදිහත්කරුවන් පත් කර තිබෙනවා.
මෙලෙස පත්වීම් ලබාදී ඇත්තේ ජ්යෙෂ්ඨ පොලිස් නිලධාරීන් 9 දෙනෙක් බවයි ආරක්ෂක අමාත්යාංශය සඳහන් කළේ.
අද (16) දින අමාත්යංශ පරිශ්රයේ පැවති නිල උත්සවයකදී ප්රාණ ඇපකරුවන් මුදාගැනීමේ මැදිහත්කරුවන් වෙත ආරක්ෂක ලේකම් මේජර් ජෙනරාල් (විශ්රාමික) කමල් ගුණරත්න විසින් පත්වීම් ලිපි ලබා දෙනු ලැබුවා.
ජාතික සිවිල් ගුවන් සේවා ආරක්ෂක කමිටුවේ සභාපතිවරයා ලෙස කටයුතු කරන ආරක්ෂක ලේකම් එම නිළධාරීන් අමතා පවසා සිටියේ මෙම පත්වීම කාලෝචිත අවශ්යතාවයක් බවත්, සිවිල් ජීවිත ආරක්ෂා කිරීම සඳහා දැඩි වගකීම් දැරීමට සිදුවන බවයි.
9/11 ප්රහාරයෙන් පසු ලෝකයේ ගුවන් සේවා කර්මාන්තයට ඇති වූ තර්ජන හමුවේ එය විකාශනය වී ඇති ආකාරය සහ අනාගතයේ දී එවැනි තත්වයන් වළක්වා ගැනීම සඳහා කාලෝචිත පියවර ගැනීමේ අවශ්යතාව ද ඔහු අවධාරණය කළේ.
මීට අමතරව ආරක්ෂක ලේකම්වරයා කියා සිටියේ නව ප්රාණ ඇපකරුවන් මුදාගැනීමේ මැදිහත්කරුවන් කණ්ඩායම ගුවන් සේවා නිලධාරීන් සමඟ නිරන්තරයෙන් සම්බන්ධ විය යුතු බවත්, ඔවුන්ගේ සේවා හැකියාව ඉහළ නැංවීම සඳහා විධිවිධාන යොදා ඇති බවයි.
ප්රාණ ඇපකරුවන් මුදාගැනීමේ මැදිහත්කරුවන්ගේ කණ්ඩායම 2016 දී ඇමරිකා එක්සත් ජනපදයේ දී පුහුණුවක් ලබා ඇත.
ජාත්යන්තර සිවිල් ගුවන් සේවා සංවිධානයේ (ICAO) සියලුම සාමාජික රටවල් අතර ප්රායෝගිකව ක්රියාත්මක වන ජාත්යන්තරව පිළිගත් සම්මතයන් මෙම පත්වීම් මගින් සපුරාලන බව ගුවන් ආරක්ෂක රෙගුලාසි නියෝජ්ය අධ්යක්ෂ ජනරාල් පී. ඒ. ජයකාන්ත ප්රකාශ් කළේ.
මෙම ජාතික අවශ්යතාවය 2016 සිට ජාතික සිවිල් ගුවන් සේවා ආරක්ෂක කමිටු රැස්වීම්වලදී නිරන්තරයෙන් සාකච්ඡා වූ බව ඔහු පැවසුවේය.
“ප්රාණ ඇපකරුවන් බවට පත්වන අවස්ථාවන් පාලනය කිරීම සහ නියාමනය කිරීම සඳහා ශ්රී ලංකාව ද අත්සන් කර ඇති හේග් සහ ටෝකියෝ යනුවෙන් ජාත්යන්තර සම්මුතීන් දෙකක් තියෙනවා”. ඔහු තවදුරටත් පැවසීය.
පත්වීම් ලැබූ ප්රාණ ඇපකරුවන් මුදාගැනීමේ මැදිහත්කරුවන්ගේ කණ්ඩායමට ගුවන් සමාගම් ක්ෂේත්රයේ අවශ්යතාවයන් සපුරාලීම සඳහා ඔවුන්ගේ කුසලතා වර්ධනය කර ගැනීමට හැකි සෑම අවස්ථාවක්ම සිවිල් ගුවන් සේවා අධිකාරිය විසින් ලබා දෙන බව සිවිල් ගුවන් සේවා අධිකාරියේ අධ්යක්ෂ ජෙනරාල් කපිතාන් තේමිය අබේවික්රම සහතික විය
බස්නාහිර පළාත තුළ සීග්රයෙන් ඩෙංගු ව්යාප්තිය වැඩි වන බව ශ්රී ලංකා මහජන සෞඛ්ය පරීක්ෂකවරුන්ගේ සංගමයේ…
පාසල් දරුවන් අතර බෝ නොවන රෝග ව්යාප්තිය පාලනය සඳහා ‘සෞඛ්යවත් පාසල් ආපනශාලා මාර්ගෝපදේශය’ නිල වශයෙන්…
රට පුරා ඩෙංගු රෝගය ශීඝ්රයෙන් පැතිරෙන නිසා, මේ මදුරුවාට ඔබේ නිවසේ හෝ රැකියා ස්ථානයේ ඉඩක්…
කළුතර සහ කුරුණෑගල යන්ත්ර දැනටමත් ස්ථාපිත කර අවසන්. මෙරට සෞඛ්ය සේවාවේ භෞතික සම්පත් සංවර්ධනය කරමින්…
හිටපු රාජ්ය අමාත්ය ශෂීන්ද්ර රාජපක්ෂ ඇතුළු විත්තිකරුවන් තුන්දෙනෙකුට එරෙහිව අල්ලස් කොමිසම විසින් කොළඹ මහාධිකරණය හමුවේදී…
හොරණ තක්ෂිලා විද්යාලය මධ්ය විද්යාලයක් බවට පත්වී වසර 80 ක් සැපිරීම නිමිත්තෙන් පවත්වනු ලබන ‘Ultimate…