අද (15) සිට රජයේ සහ රජයේ අනුමත සියලු පාසැල් සාමාන්‍ය පරිදි සතියේ දින පහම පැවැත්වීමට තීරණය කර ඇති බව අධ්‍යාපන අමාත්‍ය සුසිල් ප්‍රේමජයන්ත පවසනවා.
ඉන්ධන හිගය සහ ප්‍රවාහන අපහසුතා හේතුවෙන් කොළඹ සහ සෙසු පළාත් වල නගරබද පාසැල් ගෙවුණු ජූනි 27 වන දා සිට සතියකට දින තුනක් පමණක් පැවැත්වීමට මීට පෙර අධ්‍යාපන අමාත්‍යාංශය විසින් තීරණය කර තිබුණා.
ප්‍රවාහන අපහසුතා නිසා ගැටළුවලට මුහුණදුන් ගුරුවරුන් සහ පාසැල් දරුවන් සම්බන්ධයෙන් සහනදායි වැඩපිළිවෙළක් ක්‍රියාත්මක කරන ලෙස පාසැල් විදුහල්පතිවරුන්ට දන්වා ඇති බවත් අධ්‍යාපන අමාත්‍ය සුසිල් ප්‍රේමජයන්ත වැඩිදුරටත් ප්‍රකාශ කර සිටියා.
