ශ්‍රී ලංකාවේ වයස්ගතම පුද්ගලයා ලෙස හඳුන්වන මාගල කොට්ටච්ව් නන්දියස් මහතා මියගොස් තිබෙනවා.
110 වැනි වියෙහි පසුවූ ඒ මහතා ඊයේ (12) සිය දිවිගමනට සමුදී ඇති බවයි සඳහන් වන්නේ.
1914 ජූනි මස 03 වනදා උපත ලබා ඇති නන්දියස් මහතා මෙරට ජීවත් වූ වයස්ගතම පුද්ගලයා ලෙස ජාතික වැඩිහිටි ලේකම් කාර්යාලය විසින් නිල වශයෙන් සනාථ කර ඇති අතර ඔහු සිව්දරු පියෙක්.
ගහ කොළ සමග සිය දිවි පෙවත ගත කර ඇති ඒ මහතා මුළු දිවියම කැප කර ඇත්තේ කෘෂිකර්මාන්තය වෙනුවෙන්.
පහ ශ්‍රේණිය දක්වා අධ්‍යාපනය ලබා ඇති ලිවීමට කියවීමට හැකියාව ඇති නන්දියස් මහතා ඉතා නිරෝගී දිවි පෙවෙතක් ගත කර ඇති අතර සිය පුතු පරම්පරාවෙන් සිව් මුනුපුරන් බැලීමට වාසනාවන්ත වූ පියෙකි.
ගමම ‘ලොකු අයියා’ ලෙස හඳුන්වන ඒ මහතාගේ අවසන් කටයුතු අද (13) සිදුකර තිබෙනවා.