ඇළකට පැන යාමට තැත් කළ සැකකරුවකු අල්ලාගැනීමට යාමේදී දියේ ගිලී අතුරුදන් වූ පොලිස් කොස්තාපල්වරයාගේ සිරුර හමුවී තිබෙනවා.
ඒ මීගමුව කලපුව ආසන්නයේ පමුණුගම සේදවත්ත ප්රදේශයේ තිබියදී.
මෙලෙස මියගොස් ඇත්තේ වයස අවුරුදු 26ක් වන චාවකච්චේරියේ පදිංචි, ජාඇළ පොලිසියට අනියුක්තව සේවය කළ පොලිස් කොස්තාපල්වරයෙක්.
පොලිස් අත්අඩංගුවට ගෙන සිටි සැකකරුවෙකු ඊයේ (23) පළා යෑමට උත්සාහ කර ඇති අතර එහිදී සැකකරු ජාඇළට පැන තිබුණා.
සැකකරු අල්ලා ගැනීමට පොලිස් නිලධාරීන් කිහිපදෙනෙකු ඔහු ලුහුබැඳ ඇති අතර එහිදී ඇළට පැන්න එක් පොලිස් නිලධාරියකු සැඩ පහරට හසුවී අතුරුදන්ව ගියා.
