මහනුවර ඇසළ පෙරහර සාර්ථකව පවත්වා අවසන් කළ බව සැල කෙරෙන සංදේශය ජනපතිට භාර දෙයි
හෙළයේ විචිත්රවත් කලා මංගල්යය ලෙසින් සැලකෙන මහනුවර ශ්රී දළඳා සමිඳුන් උදෙසා වාර්ෂිකව පැවැත්වෙන ඇසළ පෙරහර පෞරාණික චාරිත්ර ගරුකරමින් විචිත්රවත් ලෙස පවත්වා අවසන් කළ බව සැල කෙරෙන ඇසළ පෙරහර සංදේශය දියවඩන නිළමේ ප්රදීප් නිලංග දෑල මහතා විසින් ඊයේ (31) පස්වරුවේ ජනාධිපතිවරයා වෙත භාරදී තිබෙනවා.
ඒ මහනුවර ජනාධිපති මන්දිරයේ දී.
පෙරහරින් පැමිණි ශ්රී දළදා මාලිගාවේ දියවඩන නිලමේ ප්රදීප් නිලංග දෑල මහතා ඇතුළු සතර මහා දේවාලවල සහ පිටිසර දේවාලවල නිලමේවරුන් මහනුවර ජනාධිපති මන්දිරයේ ප්රධාන දොරටුව අභියසදී ජනාධිපතිවරයා විසින් පිළිගෙන තිබෙනවා.
අනතුරුව දියවඩන නිලමේවරයා සාම්ප්රදායානුකූලව සංදේශය ජනාධිපතිවරයා වෙත පිළිගැන්වීම සිදුවුණා.
පෙරහරේ ගමන් කළ අලි ඇතුන් සංකේතවත් කරමින් “සිංදු” ඇත් පැටවාට පලතුරු සංග්රහයක් සිදු කිරීම ද ජනාධිපතිවරයා අතින් සිදු කර තිබෙනවා.
පෙරහරට සහභාගී වූ කලා ශිල්පීන් වෙත සාම්ප්රදායානුකූලව තිළිණ හා සම්මාන පිරිනැමීම ජනාධිපතිවරයා අතින් සිදු කර තිබෙනවා.
“ඇසළ පෙරහර භාරය” මඟින් පිටිසර දේවාල වෙනුවෙන් සිදු කරන මූල්යාධාර ප්රදානය ද ජනාධිපතිවරයා අතින් සිදු කර ඇති අතර මධ්යම පළාත් සංස්කෘතික අමාත්යංශය විසින් සම්පාදිත “පූජනීය දළදා සංස්කෘතිය” ග්රන්ථය ද පිළිගන්වා තිබෙනවා.
