හිටපු සුපිරි ක්‍රිකට් ක්‍රීඩක අරවින්ද ද සිල්වා ජාත්‍යන්තර ක්‍රිකට් කවුන්සිලයේ (ICC) Hall of Fame නාමකරණය වෙත ඇතුළත් කර තිබෙනවා.
මෙම සම්මානය අයි.සී.සී ය විසින් ලොව කීර්තිමත්ම ක්‍රිකට් ක්‍රීඩකයන්ට පිරිනමයි.
නොවැම්බර් 14 මුම්බායි හි පැවැත්වෙන උත්සවයකදී අර්වින්ද සිල්වා ඉන් පිදුම් ලැබීමට නියමිත බවයි වාර්තා වන්නේ.
මීට පෙර ICC හෝල් ඔෆ් ෆේම් වෙත ඇතුළත් වූ ශ්‍රී ලාංකික ක්‍රීඩකයන් වූයේ මුත්තයියා මුරලිදරන් (2017) කුමාර සංගක්කාර (2021) සහ මහේල ජයවර්ධන (2021) පමණි.
1996 ලෝක කුසලානය දිනූ මෙරට ක්‍රිකට් වීරයකු වන අරවින්ද ද සිල්වා වසර 19ක ක්‍රිකට් දිවිය තුළ ටෙස්ට් හා එක්දින ඉනිම් 401වතාවක් ක්‍රීඩා කර තිබෙනවා.
මෙරටට ක්‍රිකට් ලෝක කුසලානයක් දිනා දී වසර 27 කට පසු අරවින්ද ද සිල්වා මෙලෙස ජාත්‍යන්තරයේ යළි සම්මානයට පාත්‍ර වීමට නියමිතයි.
