වප් පුර පසළොස්වක පොහොය අදට (28) යෙදී තිබෙනවා.
සත්වන වස් කාලය ගත කිරීම උදෙසා තව්තිසා දෙව්ලොවට වැඩම කළ බුදුන් වහන්සේ දෙවිලොවින් නික්ම දඹදිව සංකස්සපුරයට වැඩම කර මහා පෙළහර පාමින් වැඩ සිට ඇත්තේ අද වැනි පොහෝ දිනයක බව ශාසන ඉතිහාසයේ සඳහන් වෙනවා.
වප් මාසය චීවර මාසය ලෙස හඳුන්වන අතර වස්සාන සමයේ පෙරවස් එළඹි භික්ෂුන් වහන්සේලා තෙමසකින් පසු වස් පවාරණය කිරීම සිදුකිරීම වැනි සුවිශේෂී සිදුවීම් රැසක් මෙම පොහොය දිනයේ සිදුවූ බව සඳහන්.
සැරියුත් හිමියන් ප්රඥාලාභී භික්ෂූන් අතර අග්රස්ථානය ලැබීම, මහාරිෂ්ඨ මහ රහතන් වහන්සේ විසින් ලංකා ඉතිහාසයේ සුවිශේෂීතම සිදුවීමක් වන විනය පිටකය සංඝායනා කිරීම වැනි ඉතා වැදගත් සිදුවීම් රාශියක් වප් පුර පසළොස්වක පොහෝ දිනයේ දී සිදුවූ බව ශාසන ඉතිහාසය සඳහන් කරනවා.
ආමිස හා ප්රතිපත්ති පූජාවන්ට මුල්තැන දෙමින් ශ්රද්ධා පෙරදැරිව ලෝකවාසී බෞද්ධ ජනතාව වප් පුර පසළොස්වක පොහෝ දිනය සමරණු ලබයි.