ශ්රී ලංකා කණ්ඩායම සහ බංග්ලාදේශය අතර පැවති පුහුණු තරගය කඩුලු 07 කින් ජය ගැනීමට බංග්ලාදේශය සමත් වුණා.
කාසිය වාසිය දිනා පළමුව පන්දුවට පහරදුන් ශ්රී ලංකා කණ්ඩායම පන්දුවාර 49යි පන්දු 1 ක් තුළ සියලුදෙනා දැවී ලකුණු 263ක් රැස් කළා.
පැතුම් නිස්සංක ලකුණු 68(64) ධනංජය ද සිල්වා ලකුණු 55 (79) කුසල් පෙරේරා ලකුණු 34 (24) වශයෙන් රැස් කළා.
පන්දු යැවීමේදී Mahedi Hasan කඩුලු 03ක් බිඳ දැමුවා.
ජයග්රාහණය සඳහා ලකුණු 264ක ඉලක්කයක් හබා ගිය බංග්ලාදේශය පන්දුවාර 8ක් ඉතිරිව තිබියදී කඩුලු 3ක් පමණක් දැවී එම ඉලක්කය පසුකර ගියා.
අගනා ඉනිමක් ක්රීඩා කළ Tanzid Hasan ලකුණු 84 (88) යි.
Mehidy Hasan නොදැවී ලකුණු 67ක් රැස් කළා.
ලහිරු කුමාර, දුශාන් හේමන්ත සහ දුනිත් වෙල්ලාලගේ එක් කඩුල්ල බැගින් දවා ගත්තා.
