කැබිතිගොල්ලෑව, ගලවැව ප්‍රදේශයේ දී උදැල්ලකින් පහරදීම හේතුවෙන් තුවාල ලැබූ පුද්ගලයෙකු අනුරාධපුර රෝහලට ඇතුළත් කර ප්‍රතිකාර ලබමින් සිටියදී මියගොස් තිබෙනවා.
ඊයේ (28) සවස මෙම පහරදීම සිදුව ඇත.
මියගිය පුද්ගලයා වයස අවුරුදු 64ක් වන කටුවලගාලේවැව, කැබිතිගොල්ලෑව ප්‍රදේශයේ පදිංචිකරුවකු බව පොලිසිය පවසනවා.
මරණකරු නිවස ආසන්නයේ වී මෝලක රැදී සිටින අවස්ථාවේදී එම ප්‍රදේශයේ පුද්ගලයන් දෙදෙනෙක් පුද්ගලික ආරවුලක් මත උදැල්ලකින් ඔහුගේ හිස ප්‍රදේශයට පහර දී ඇත.
පහරදීම සිදුකළ පුද්ගලයින් දෙදෙනාගේ ජංගම දුරකථන දෙකක් එම ස්ථානයේ තිබී පොලිසියට හමුව තිබෙනවා.
මෘත ශරීරය අනුරාධපුර රෝහලේ මෘත ශරීරාගාරයේ තැන්පත් කර ඇත.
සැකකරුවන් අත්අඩංගුවට ගැනීම සඳහා පොලිසිය වැඩිදුර විමර්ශන සිදුකරයි.
