දේශීය ආදායම් පනතට සංශෝධන හඳුන්වාදීමට ආදාළව නීති කෙටුම්පත් සම්පාදක විසින් සකස්කර ඇති පනත් කෙටුම්පත ගැසට් පත්රයේ පළකිරීමටත් අනතුරුව පාර්ලිමේන්තුවට ඉදිරිපත් කිරිමටත් කැබිනට් අනුමැතිය හිමිව තිබෙනවා.
ජනාධිපතිවරයා විසින් ඒ සඳහා වන යෝජනාව ඉදිරිපත් කර තිබුණා.
ඒ අනුව නීති කෙටුම්පත් සම්පාදක විසින් සකස් කරනු ලැබ ඇති පනත් කෙටුම්පත සඳහා නීතිපතිගුමාගේ නිෂ්කාශනය ද ලැබී ඇති බව සඳහන් වෙනවා.
දේශීය ණය ප්රශස්තකරණ ක්රියාවලියට පහසුකම් සැලසීම සඳහා සේවක අර්ථසාධක අරමුදල සේවා නියුක්තිකයන්ගේ භාර අරමුදල, විශ්රාම වැටුප් අරමුදල හෝ පාරිතෝෂිත අරමුදල් සහ ඒ හා සමාන අරමුදල් විසින් භාණ්ඩාගාර බැඳුම්කරවල ආයෝජනය කිරීමෙන් උපයනු ලබන ආදායම මත අය වන ආදායම් බදු අනුපාතය වෙනස් කිරීම සඳහා දේශීය ආදායම් පනතට සංශෝධන හඳුන්වාදීම සඳහා ජුනි මස 28 වනදා පැවති කැබිනට් රැස්වීමේදී අනුමැතිය ලබා දී ඇත.
