විශ්වවිද්යාල තුළ ක්රියාත්මක නවකවදය සම්බන්ධයෙන්, පොලිසිය සතු මැදිහත් වීමේ හැකියාව පිළිබඳව ජ්යෙෂ්ඨ පොලිස් අධිකාරී නීතිඥ නිහාල් තල්දූව ඊයේ (26) රජයේ මාධ්ය සාකච්ඡාවකදී අදහස් දක්වා සිටියා.
විශ්වවිද්යාල තුළ ක්රියාත්මක නවකවදයට විරුද්ධව 1998 – අංක 20 දරණ නවක වද පනත සහ දණ්ඩනීති සංග්රහය තුළින් ක්රියාකිරීමේ හැකියාව පොලිසියට පවතින බව නිහාල් තල්දූව මහතා පවසනවා. එහෙත්, නවකවදය සම්බන්ධ සිද්ධීන් පිළිබඳව පොලිසිය වෙත පැමිණිලි නොලැබීමේ ගැටලුවක් පවතින බවයි නිහාල් තල්දූව මහතා පෙන්වා දෙන්නේ.
නවකවදය සම්බන්ධයෙන් පොලිසිය වෙත පැමිණිලි ලැබෙන්නේ නම් විශ්වවිද්යාල බලධාරින් හා සම්බන්ධව නීතිය ක්රියාත්මක කිරීමේ හැකියාව පවතින බව එතුමා ප්රකාශ කරනවා.
කෙසේවෙතත් වර්තමානය වන විට නවකවදය විශ්වවිද්යාල පද්ධතිය තුළ තවදුරටත් ක්රියාත්මක බවයි එතුමා පවසන්නේ.
විශ්වවිද්යාල පද්ධතිය තුළ නවකවදය සම්බන්ධ සිදුවීමකදී අපරාධමය නීතිය යටතේ අපරාධකරුවන්ට දඩුවම් කරනවාට වඩා, විශ්වවිද්යාල පද්ධතිය තුළින් ඇතිකරගත් කතිකාවතක් මගින් මෙම ගැටලුව වළක්වා ගැනීම වඩාත් ප්රයෝගික හා සාර්ථක විසඳුමක් බවයි පොලිස් අධිකාරීවරයා පෙන්වා දෙන්නේ.
නවකවදය සම්බන්ධ යම් සිදුවීමක් ගැන පොලීසිය වෙත පැමිණිලක් ලැබුනොත් ඒ පිළිබඳව නීතිමය වශයෙන් කටයුතු කරන බව එතුමා වැඩිදුරටත් ප්රකාශ කර සිටියා.
