ඉන්දියාවේ නවදිල්ලි නුවරදී පැවැත්වෙන “2024 භාරත් ජාත්යන්තර සංචරණ ප්රදර්ශනයේ (Bharath Mobility Expo 2024) විශේෂ ආරාධිතයකු ලෙස ප්රවාහන මහා මාර්ග හා ජනමාධ්ය අමාත්ය බන්දුල ගුණවර්ධන මහතා එක්ව තිබෙනවා.
තෙදිනක් පුරා පැවැත්වෙන මෙම ප්රදර්ශනයට ඉන්දියානු සහ ජාත්යන්තර මෝටර් රථ වාහන නිෂ්පාදන සහ ව්යවසායක ක්ෂේත්රයේ ආයෝජකයින්, නව නිපැයුම්කරුවන් ඇතුළු විශාල පිරිසක් තම නිෂ්පාදන සහ නිර්මාණ ඉදිරිපත් කර ඇති අතර විශේෂයෙන් විද්යුත් රථවාහන, උපන්ක ඇතුළු නව නිෂ්පාදන රැසක් මෙහිදී එළිදැක්වීමද විශේෂත්වයක්.
ප්රදර්ශනයට එක් වූ අමාත්යවරයා ශ්රී ලංකාව ඇතුළු බොහෝ රටවල සිය මෝටර් රථ වාහන නිෂ්පාදන ක්ෂේත්රයේ ආයෝජන සිදු කර ඇති සමාගම් රැසක අති නවීන මගී ප්රවාහන බස් රථ ඇතුළු නව නිෂ්පාදන නිරීක්ෂණයටද එක්ව ඇති අතර ප්රමුඛ පෙළේ සමාගම් රැසක ප්රධානීන් සමඟ ශ්රී ලංකාවේ ප්රවාහන හා මහා මාර්ග ක්ෂේත්රයේ ආයෝජන අවස්ථාවන් පිළිබඳව සාකච්ඡාවලද නිරත වූ බව සඳහන්.
ඉදිරියේ දී ශ්රී ලංකාවේ පැවැත්වීමට නියමිත සංචරණ ප්රදර්ශනය සහ සමුළුව සඳහා ඉන්දියාවේ පැවැත්වෙන මෙම ජාත්යන්තර ප්රදර්ශනයට එක්වන ඉන්දීය සහ විදේශීය ආයෝජකයින්, නිෂ්පාදකයින් සහ ව්යවසායකයින් දායක කර ගැනීමද අමාත්යවරයාගේ අරමුණ බව රජයේ ප්රවෘත්ති අංශය වැඩිදුරටත් සඳහන් කරනවා.
