කොල්ලුපිටිය ඩුප්ලිකේෂන් මාර්ගයේ ලිබටි වටරවුම ආසන්නයේ දී බස් රථයක් මතට ගසක් කඩා වැටීමෙන් අනතුරක් සිදුව තිබෙනවා.
අනතුර සිදුව ඇත්තේ, අද (06) අලුයම 6ට පමණ.
ඒ වටරවුම පසුකර ලංගම බස් රථය බම්බලපිටිය දෙසට ගමන් කරමින් සිටයදී.
අනතුරින් තුවාල ලැබූ පුද්ගලයින් කඩිනමින් රෝහල්ගත කරමින් සිටින බවයි පොලිසිය පැවසුවේ.
අනතුරට පත්ව ඇත්තේ කොළඹ – දෙනියාය බස් රථයක්.
මේ හේතුවෙන් එම මාර්ගය මේ වනවිට අවහිර වී ඇති බව පොලිසිය පවසනවා.
