ඉදිරි වසර 02 සඳහා ශ්රී ලංකා ක්රිකට් ආයතනයේ නිලධාරීන් පත් කර ගැනීමේ සඳහා වූ නිලවරණය, අද(20) කොළඹදී පැවැත්වීමට නියමිතයි.
ඒ, ශ්රී ලංකා ක්රිකට් 62 වැනි වාර්ෂික මහ සභා රැස්වීමේදීය.
අද දිනයේදී ධුර 07කට නිලධාරීන් තෝරා ගැනීමට සැලසුම් කර තිබෙනවා.
සභාපති, ලේකම්, භාණ්ඩාගාරික, යන තනතුරු 03ට මෙන්ම උප සභාපති ධුර 02කට, උප ලේකම් ධුරයකට සහ උප භාණ්ඩාගාරික ධුරයකට ද සුදුස්සන් තෝරා ගැනීමට නියමිතයි.
සභාපති තනතුරට නාම යෝජනා භාර දී තිබෙන්නේ, ශ්රී ලංකා ක්රිකට් වත්මන් සභාපති, ශම්මි සිල්වා සමග එම පාර්ශ්වයෙන්ම ජයන්ත ධර්මදාස සහ සමන්ත දොඩන්වල
වත්මන් ලේකම් මොහාන් ද සිල්වා, රොෂාන් ඉද්දමල්ගොඩ, සමන්ත දොඩන්වල සහ නලීන් අපෝන්සු නාමයෝජනා භාර දී ඇත්තේ, ලේකම් තනතුර සඳහායි.
සුජීව ගොඩලියැද්ද සහ ලසන්ත වික්රමසිංහ භාණ්ඩාගාරික තනතුරට නාම යෝජනා භාර දී තිබෙනවා.