පාකිස්තානය විසින් ඇෆ්ගනිස්ථානයට එල්ල කළ ගුවන් ප්‍රහාරයකින් ඇෆ්ගනිස්ථාන ක්‍රිකට් ක්‍රීඩකයින් තිදෙනෙකු ජීවිතක්ෂයට පත්ව ඇති බව විදෙස් මාධ්‍ය වාර්තා කරනවා.
දේශසීමාව අසල පාකිස්ථාන ගුවන් ප්‍රහාරයෙන් මියගිය 8 දෙනා අතර ඇෆ්ගනිස්ථාන ක්‍රිකට් ක්‍රීඩකයින් තිදෙනෙකු සිටින බවයි ඇෆ්ගනිස්ථාන ක්‍රිකට් ආයතනය පැවසුවේ.
මෙලෙස මියගොස් ඇත්තේ කබීර්, සිබ්ගතුල්ලා සහ හරූන් යන ක්‍රිකට් ක්‍රීඩකයින් තිදෙනායි.
ඔවුන් ක්‍රිකට් තරගයකට සහභාගී වී පක්ටිකා වෙත ගොස් යළි නිවසට පැමිණෙමින් සිටින අතරතුර මෙම ප්‍රහාරයට ලක්ව තිබෙනවා.
ප්‍රහාරයෙන් මියගිය අයට ගෞරව දැක්වීමක් වශයෙන් ශ්‍රී ලංකාව පාකිස්තානය සමග එළඹෙන නොවැම්බර් පැවැත්වීමට නියමිත තුන්කොන් විස්සයි විස්ස ක්‍රිකට් තරගාවලියෙන් ඉවත්වන බව ඇෆ්ගනිස්ථාන ක්‍රිකට් ආයතනය පවසනවා.
