ලංකා ප්රිමියර් ලීග් තරගාවලියේ කොළඹ කණ්ඩායම හා ජැෆ්නා කිංග්ස් අතර ඊයේ (08) පැවති තරගය කඩුලු 06 කින් ජය ගැනීමට ජැෆ්නා කණ්ඩායම සමත් වුණා.
තරගයේ පළමුව පන්දුවට පහරදුන් කොළඹ කණ්ඩායම නියමිත පන්දුවාර 20 අවසානයේ කඩුලු 08ක් දැවී ලකුණු 146ක් රැස් කළා.
පන්දුවට පහරදීමේදී පැතුම් නිස්සංක ලකුණු 36ක් පන්දු 25ක් තුළ ලබාගත්තා. ලහිරු උදාර ලකුණු 25 යි.
අගනා පන්දු යැවීමක නිරත වූ දුනිත් වෙල්ලාලගේ ලකුණු 9 කට කඩුලු දෙකක් දවා ගත්තා.
පිළිතුරු ඉනිම ක්රීඩා කළ ජැෆ්නා කිංග්ස් කණ්ඩායම පන්දුවාර 14යි පන්දු 3ක් තුළ ලකුණු 150ක් ලබා ගනිමින් තරගයේ ජය වාර්තා කළා.
ජැෆ්නා කණ්ඩායම වෙනුවෙන් නිශාන් මධුෂ්ක පන්දු 32කදී ලකුණු 46 ක් රැස් කළා.
GURUBAZ ලකුණු 39 යි.
තරගයේ වීරයා දුනිත් වෙල්ලාලගේ.
